Maxkamadda Hargeysa oo xukun ku riday C/Manaan Yuusuf go’aan culusna ka soo saartay TV-ga Astaan

0

Wararka aan ka heleyno magaalada Hargeysa ee xarunta Somaliland waxay sheegayaan in maxkamadda gobolka Maroodi-jeex ay xukun xabsi iyo lacag isugu jira ku riday Ganacsade Cabdimanaan Yuusuf.

Cabdimanaan Yuusuf oo ah milkiilaha TV-ga Astaan ayaa bilihii lasoo dhaafay u xirnaa xukuumadda Somaliland, waxaana marar badan lasoo taagay maxkamad, balse maanta ayaa lagu dhawaaqay xukunkiisa.

Maxkamadda gobolka Maroodijeex ee Hargeysa ayaa 5-sano oo xabsi ah ku xukuntay Cabdimanaan, sidoo kale laba Bilyan oo shilinka Somaliland ah ayey ku xukuntay inuu ganaax ahaan u bixiyo.

Sidoo kale maxkamadda ayaa xukuntay in gabi ahaanba albaabada la isugu dhifto TV-ga Astaan qeybtiisa ka howlgasha Somaliland, kaas oo sida la sheegay milkiilaha ugu sareeya uu yahay Cabdimanaan Yuusuf oo xukunkaasi uu ku dhacay maanta.

You might also like More from author

Leave A Reply

Your email address will not be published.