Mareykanka oo qorsheynaya in gudaha Kenya uu ka fuliyo duqeymaha Al-Shabaab

0

Taliska Mareykanka ee qaaradda Afrika ee AFRICOM ayaa Kenya culeys ku saaraya sidii ay u fuliyaan weerarada diyaaradaha aan duuliyaha laheyn ee drones-ka oo lala beegsado dagaalamayasha Al-Shabaab ee qaybo ka mid ah bariga Kenya ku dhuumaaleysta.

Afhayeenka guud ee taliska Maraykanka Col. Christopher P. Karns ayaa sheegay inay garwaaqsan yihiin baahida loo qabo in cadaadis caalami ah oo joogto ah la saaro Al-Shabaab.

Sidoo kale waxa uu sheegay inay muhiim tahay in lala socdo dhaq-dhaqaaqyada guud ee Al-Shabaab, iyadoo si firfircoon looga hor tegayo is-faafintooda.

Saraakiil Maraykan ah ayaa sheegay in Dowladda Kenya ay ogolaatay in duqeymaha laga fulin karo aagaga u dhexeeya Garissa iyo Lamu, oo isku xira saldhiga ciidamada cirka ee Manda Bay iyo gobolka xadka la leh Soomaaliya.

Bishii February ee sanadkan, madaxweyne Uhurru Kenyatta booqasho uu ku tagay aqalka cad, wuxuu ka codsaday Madaxweyne Trump in laga caawiyo la dagaallanka argagixisada, oo ay ka mid tahay taageero xagga cirka ah.

You might also like More from author

Leave A Reply

Your email address will not be published.