Duqeymo lagu dilay saraakiil iyo dagaalamayaal Shabaab ah oo ka dhacay Jubbooyinka

0

Wararka ka imaanaya degmooyinka Jilib iyo Jamaame oo dhaca koonfurta Soomaaliya ayaa sheegaya in duqeymo lagu dilay saraakiil sare oo  ka tirsan Al-shabaab.

Duqeynta oo ka dhacday degmada Jilib ayaa lagu soo waramayaa in lagu Diley hoggaamiyihii dDegmada Jilib Sheekh Abuu Basma iyo saraakiil ka tirsan Al-shabaab .

Saraakiisha Al-shabaab ee lagu dilay duqeynta ayaa la sheegay in uu shir uga socday goobta lagu duqeeyay.

Saraakiil  ka gaabsadey magacyadooda ayaa sheegey in ay 12 sarkaal iyo hogaamiyihii  degmada Jilib oo goob kuwada sugnaa lagu dilay duqeynta, waxaana uu intaa ku darey in howlgalku fuliyeen kumaandooska Soomaaliya oo kaashanayey mid kamid ah saaxiibada Soomaaliya.

Gobolka Jubada hoose degmada Jamaame ayaa lagu soo waramayaa in la duqeeyay xarun Al shabaab ay ku leeyihiin degmadaas.

Dowladda Soomaaliya iyo la howlgalayaasheeda ayaa kordhiyay duqeymaha ay la beegsanayso dagaalamayaasha Al-shabaab.

You might also like More from author

Leave A Reply

Your email address will not be published.