NISA oo shaacisay in khilaaf xoog leh uu ka dhex qarxay Al-Shabaab iyo xubno xilalkii laga xayuubiyey

0

Hay’adda Nabad-Sugidda iyo Sirdoonka Qaranka Soomaaliya ee NISA ayaa qoraal ay caawa soo saartay shaaca uga qaaday khilaaf weyn oo ka dhex jira ururka Al-Shabaab, kaasi oo horseeday is-beddello weyn oo dhacay.

Qoraal ay NISA soo dhigtay barteeda Twitter-ka ayay ku sheegtay in hoggaamiyaha Al-Shabaab, Axmed Diiriye uu Mahad Karataay iyo Bashiir Qoorgaab ka saaray golaha fulinta ee dagaalamayaasha Al-Shabaab, kana xayuubiyay dhammaan xilalkii ay ka hayeen kooxda.

NISA ayaa sheegtay in sababta uu Axmed Diiriye u qaaday tallaabadan ay tahay kadib markii ay ka dalbadeen “joojinta qaraxyada joogtada ah ee lagu beegsado shacabka magaalada Muqdisho.”

NISA ma aysan bixin wax faah-faahin ah oo intaas dheer, mana shaacin sida ay ku heshay xogtan xasaasiga ah ee Al-Shabaab dhexdeexa ka timid. Sidoo kale ma jiraan ilo-wareedyo si madax-banaan u xaqiijin kara warkan.

Hase yeeshee, qoraalkan ayaa imanaya iyada oo Al-Shabaab ay sheegatay weerarkii 28-kii December ee Ex-Control Afgooye ee Muqdisho, kaasi oo lagu dilay in ka badan 80 qof oo badankood ahaa dad shacab ah.

Al-Shabaab ayaa qirashadaas ka sokow waxay raali-gelin ka bixisay dadka shacabka ah ee halkaas lagu laayey, taasi oo ahayd tallaabo aan looga baran.

You might also like More from author

Leave A Reply

Your email address will not be published.