Maxay tahay sababta shaqa joojinta loogu sameeyay Taliyaha Xabsiga Dhexe?

0

Taliska Ciidanka Asluubta Soomaaliyeed ayaa shaaciyey in shaqo joojin lagu sameeyay Taliyaha Xabsiga Dhexe ee Xamar General Maxamed Sheekh Cumar Xirsiile,kadib markii lagu eedeeyay inuu u diiday maxbuus xanuunsan in lagu daweeyo isbitaal aan dowlada lahayn.

Jeneraal Maxamed Sheekh Cumar xirsiile oo ah taliyaha Xabsiga Dhexe ayaa isaga oo ka jawaabayey eedeynta loo jeediyey sheegay, in ruuxaas oo ku xukunnaa 8-sano oo xabsi ah, si qaldan looga saaray isbitaal ku yaalla xabsiga dhexe, islamarkaana la geeyey isbitaal si gaar ah loo leeyahay, halkaas oo wax ka yar 40 daqiiqo uu sheegay inuu uga dabatagay.

Taliyaha ayaa sheegay in markii uu ninkaas ka soo qaaday isbitaalkii ay geysteen ehelkiisa,  uu toos u geeyey isbitaalka Martiini ee magaalada Muqdisho, isagoo labo maalin kadib halkaas ku geeriyooday.

Afhayeenka ciidanka asluubta Soomaaliyeed oo warbaahinta kula hadlay Muqdisho ayaa sheegay in shaqada laga joojiyey taliyaha xabsiga dhexe, isla markaana la baarayo sida uu ku dhacay kiiska loo heyso.

Ruuxa bukaanka ah ee xabsiga ku geeriyooday ayaa waxaa lagu magacaabi jirey Xasan Kurtun Calasow, waxaana eheladiisa ay sheegeen in aan meydkiisa la’aasi doonin illaa iyo inta cadaalad ay ka helayaan.

 

You might also like More from author

Leave A Reply

Your email address will not be published.