Qarax Miino oo ka dhacay Buula-Mareer.

0

Hornafrik-Sida ay sheegayaan wararka inaga soo gaaraya degaanka Buula-mareer oo ka tirsan gobolka Shabeellaha Hoose, Qarax Miino ayaa galabta ka dhacay halkaasi.

Qaraxan oo nuuciisa uu ahaa Miinada dhulka lagu aaso ayaa waxa uu si gaar ah uga dhacay Suuq xoolaha lagu iibiyo oo ku yaalla degaanka Buula-mareer.

Inta la xaqiijiyay qaraxan waxaa ku geeryootay 4 qof halka ay ku dhaawacmeen 5 qof oo kale, kuwaasi oo dhammaantood ahaa shacab.

Guddoomiye ku xigeenka degmada Kunturwaarey oo ka mid ahaa dadka gurmadka sameynayay ayaa Sdan inoo sheegay “Walaal qarax Miino oo ahaa nuuca rumuudka ayaa kala eegtay Suuq xoolaha, shacab ayaa khasaare lagu gaarsiiyay, sidoo kale 5 neef oo xoolo ah ayaa qaraxan uu dilay, waxaan wadnaa baaritaano aan ku soo qabaneyno nimanka falkan geystay.”

Maalmahan waxaa kordhay qaraxyada iyo weerarada ka dhaca Shabeellaha Hoose, maalmo kahor qaraxyo ka dhacay gobolkan ayaa waxa ay dileen in ka badan 20 qof.

You might also like More from author

Leave A Reply

Your email address will not be published.