Raiisal Wasaare Xasan Kheyre Oo Hay’ada IMF Ka Codsaday in Deymaha Soomaaliya Laga Cafiyo

0

Xasan Cali Khayre Reysul wasaaraha xukumada Federaalka Soomaaliya oo dalka Switzerland ugu qeyb galayay shir looga hadlaayay dhaqaalaha Aduunka ayaa Magaalada Davos kulan kula  qaatay Agaasimaha Guud ee Hay’adda Lacagta Adduunka IMF, Christine Lagarde.

Labadan masuul ayaa waxa ay ka wada hadleen kaalmada Hay’adda IMF ee Soomaaliya gaar ahaan iyada oo loo marayo laba Barnaamij Korjoogayaal Shaqaale ah iyo gargaar farsamo oo ballaaran iyo arrimo kale.

Christine Lagarde ayaa sheegtay Deeqaha deynta ee Soomaaliya in ay tahay mudnaanta IMF iyo dadaal kasta oo loo sameeyo si loo dedejiyo geeddi-socodka nidaamyada aasaasiga ah.

Sidoo kale waxa ay sheegtay Agaasimaha Hayadda lacagta Adduunka IMF inuu meel wanaagsan marayo dhaq dhaqaaqa joogtada ah ee ka socda Soomaaliya, oo ay ka mid tahay in la gaaro qodobka awooda u siinaya in uu helo deyn bixinta iyadoo la adeegsanayo dadaal kasta.

Xasan Cali Khayre Raiisul Wasaaraha Xukuumadda Federaalka Soomaaliya ayaa IMF uga mahadceliyay sida wanaagsan ee ay u garab taagan yihiin Soomaaliya wuxuuna Khayre rajo ka muujiyay in Soomaaliya laga cafiyo deymaha lagu leeyahay.

Xaaladaha dhaqaale ee hoos yimaada Soomaaliya ayaa weli ah mid adag, laakiin madaxda ayaa dadaal adag ugu jira dib u dhiska dalkooda Soomaaliya ayaa ka mid ah kuwa ugu badan ee qaata gargaarka farsamada ee IMF.

Khayre ayaa inta uu ku sugan yahay dalka Switzerland waxa uu la kulmi doonaa Madax badan oo Afrikaan ah kuwaas oo dalkaasi u jooga ka qeyb galka Shirka Dhaqaalaha Aduunka.

Hayada Lacagta Aduunka ayaa horay u sheegtay in dhaqaalaha soomaaliya uu ka soo wanaagsanaayo sidii hore isla markaana Dowladaan hadda jirta wax badan ay ka badashay nidaamka dhaqaalaha ee Soomaaliya waxayna ay sheegeen in la aamini karo Wasaarada Maaliyada ee xukumada soomaaliya.

You might also like More from author

Leave A Reply

Your email address will not be published.