Xog: Xildhibaanadda Koonfur Galbeed oo Lagala laabtay Mushaaraad Loogu Shubay Akoono Banki, Sababta,?

0

Xildhibaanadda Koonfur Galbeed Somalia ayaa Shalay loogu shubay Akoonadda Bankiyadda ay ku leeyihiin Mushaar dhan $2100 (Labo Kun iyo Boqol Doolar), balse Maanta ayaa mar kale waxaa u soo dhacay Fariin Qoraaleedyo loogu sheegayo in laga ceshaday Lacagtii u soo dhacday.

HornAfrik ayaa heshay Fariimaha u soo dhacay Xildhibaanadda oo markii hore loogu sheegay Lacagaha soo gaaray, Waxaana Lacagahan la sheegay in Ujeedada laga lahaa ay ahayd in Xildhibaanadda Koonfur Galbeed ay ka laabtaan Mooshinka ka dhanka ah Shariif Xasan, Iyadoona markii ay ku dhawaaqeen in Mooshinkaasi ay ka laabteen lagala laabtay Lacagihii loogu shubay Akoonadda.

Xildhibaanadda Koonfur Galbeed ayaa markii ay heleen Lacagahan waxay ka hor sheegeen Baarlamaanka Koonfur Galbeed inay ka laabteen Mooshinkii ka dhanka ahaa Shariif Xasan, Waxayna badaleen Mowqifkoodii hore, hase yeeshee markii lagala laabtay Lacagihii ay heleen waxay dib u billaabeen Abaabulo ka dhan ah Shariif Xasan.

Wasaaradda Maaliyadda Koonfur Galbeed ayaa lacagahan ugu shubtay Xildhibaanadda Akoonadda ay ku leeyihiin Bankiyadda Gaarka loo leeyahay, Waxaana kadib Xildhibaanadda loo diray Fariin Qoraaleedyo loogu sheegayo in Lacagtaasi lagu soo qalday, dibna looga saaray Akoonadooda.

Ku Shubis Akoon
Ku Shubis Akoon
Ka Saarid Akoon
Ka Saarid Akoon

You might also like More from author

Leave A Reply

Your email address will not be published.