AL-Shabaab Oo Sheegtay Weerarka Lagu Qaaday Hotelka Naasa-Hablood 2 Ee Degmada Xamarweyne

0

Al-Shabaab ayaa War ay ku qoreen Baraha ay lu leeyihiin Internet-ka waxa ay ku sheegteen Masuuliyada  weerarkaas lagu qaaday Hotelka Naasa-Hablood 2 ee degmada Xamarweyne.

Sidoo kale waxa ay sheegeen in ay weerarkaas ay ku bartilaameedsanayeen Xildhibaano iyo Saraakiil degan Hoteelka sida ay sheegeen.

Iddaacada Andalus ee ku hadasha Afka Kooxda Alshabaab ayaa baahisay in Dagaalamayaal ka tirsan Alshabaab ay ka dhex dagaalamayaan Hoteelka Naasahablood 2, isla markaana ay dileen Saraakiil iyo Xildhibaano, Waxayna Alshabaab weerarkan ku sheegeen inuu dhabar jab ku yahay Howgalka Xasilinta ee Dowladdu ay ka waday Muqdisho.

Hotelka ayaa waxaa weli laga maqlayaa rasaas,waxana khasaaraha hordhaca ah ee soo baxaya ay sheegayaan in ku dhawaad 10 Qof oo Shacab u badan ay ku geeriyoodeen qaraxaas iyo weerarka la socdo.

Weerarkaan qaraxa ku bilaawday ayaa ku soo aadaya labada todobaad kadib qarixii lagu dhamaaday ee ka dhacay Isgoyska Zoobe ee Magaalada Muqdisho.

You might also like More from author

Leave A Reply

Your email address will not be published.