Ciidamadda Itoobiya Oo Ku Gubay Diyaarad Qaad siday Magaaladda Xudur, Sababta,?

0

Diyaarad Qaad waday oo u kiraysnayd Ganacsato Soomaali ah ayeey Ciidamadda Itoobiya ku gubeen Degmadda Xudur ee Gobalka Bakool.

Dad jooga magaalada Xudur ayaa saxaafada u sheegay in diyaaradda ay garoonka kusoo degtay, kadibna iyadoo aan rarkii dhigin ay damacday inay duusho.

Sarkaal Itoobiyaan ah oo garoonka ku sugnaa ayaa la sheegay in diyaaradda uu ku amray in aysan kicin, balse aanay dhagaysan oo ay dhabaha garoonka ku oroday.

Askarta garoonka ayaa ka dib rasaas ku furay, oo cagaha ka toogtay, waxaana ay diyaaradu ku dhacday xaafad ku dhaw garoonka. Lama sheegin cid ay khasaaro kasoo gaartay dhacdadaasi.

Wararka ayaa intaa ku darayaan in duuliyaha diyaaradda iyo rarka saarnaaba ay hadda gacanta ku hayaan ciidanka Itoobiyaanka ah ee ku sugan magaalada Xudur.

Sidoo kale waxaa jira warar sheegaya in diyaaradda ay markii horaba u socotay magaalada Ceel Barde, oo aysan qaadka u wadin magaalada Xudur.

Maamulka gobolka Bakool ayaa dhowaan  sheegay in la mamnuucay ka ganacsiga iyo cunista qaadka ka dib markii ay sheegeen inuu dhibaato weyn ku keenay hawlgallada ciidamada dawladda ee ka dhanka ah Al-Shabaab.

Magaalooyin badan oo dalka Soomaliya ka mid ah ayaa diyaarado qaad sida maalin walba ay ka degaan iyadoo lacago faro badan ay ugaga baxdo shacabka Soomaaliyeed qaadka laga keeno dalka Kenya.

You might also like More from author

Leave A Reply

Your email address will not be published.