Sarkaal ka tirsan Nabadsugidda oo lagu weeraray Dharkeenleey.

0

Gaari uu la socday Taliyaha Nabadsugida degmada Kaxda Gobolka Banaadir ayaa Maanta la weeraray meel ku dhow Isgoyska Xoosh ee degmada Dharkeenley.

Rag hubeysan oo gaari wadatay ayaa la sheegay in rasaas ku fureen gaari uu la socday Taliyaha Nabadsugida degmada Kaxda, C/naasir Xasan Cali.

Wararka ayaa sheegaya in Taliyaha uu ku dhaawacmay rasaasta, iyadoo uu ku dhintay askari ilaalo u ahaa.

Dad goob joogayaal ah ayaa sheegaya in dableyda hubeysan ee weerarka geysatay ay wateen gaari nuuca NOAH ah, kaddibna ay ku baxsadeen Gaarigoodii.

Guddoomiyaha degmada Kaxda ayaa sheegay in dhaawaca Taliyaha loo qaaday isbitaal, isagoo xusay in ciidamada ammaanka ay wadaan baadigoobka raggii ka dambeeyay weerarka.

Degmada Dharkeenley ayaa muddooyinkii u dambeeyay noqotay goobaha ugu badan ee ay ka dhacaan weerarada lagu fuliyo gaari dad hubeysan saaran yihiin, waxaana todobaadkii hore ka dhacday labo weerar oo kan la mid ah.

You might also like More from author

Leave A Reply

Your email address will not be published.