(SAWIRO) Kiiska Dilka Wasiirkii Howlaha Guud oo Lasoo Gaba-gabeeyay.

0

Maanta oo arbaco ah ayaa Maxkamadda Ciidamada Qalabka Sida soo gaba-gabeysay dhageysiga dacwad la xariirtay Dilkii Allaha Unaxariiste Marxuum x wasiir/xildhibaan Cabaas Cabdullaahi Sh Siraaji oo 3-dii Bishii ee Sanadkaan lagu dilay meel ku dhaw Madaxtooyada Soomaaliya.

Garsoorka Maxkamadda Ciidamada Qalbaka sida ayaa horey u dalbaday in xafiiska xeer ilaalinta Ciidamada Qalabka Sida ay keenaan cadeymo dheeraad ah oo la xiriira kiiska, waxa ayna Maxkamadda horkeeneen Muuqaalo lagu duubay ” CCTV”, Sawirro , qiraalo , qoraal cadaynaya inta uu soo maray kiiskan baaristiisa iyo heerarkii 1-aad iyo 2-aad ee dhageysiga dacwadda maanta la soo gaba-gabeeyay qeybteedii 3-aad.

Saraakiil ka socoday hey’adaha baariska booliiska ayaa ka hor aqriyay garsoorka cadeymo ay la socdeen muuqaal iyo sawirro kuwaasi oo muujinayay kiiska dambiga ah sida uu u dhacay.

xeer ilaalinta maxkamadda ciidamada qalabka sida ayaa ku eedeysay 1.D/le xoogga, Axmed C/laahi caydiid in uu ahaa shakhsiga ka dambeyay dilka wasiirka iyadoo ay aqbaleen qaraanada difaacayay eedeysanaha halka sidoo kale ay isku raaceen labada dhinac ee dacwada in eedda lagala noqdo askarigii kale S/Alifle Cusmaan Salaad Barre ee la saarnaa gaariga kaas oo loo qaatay inuu ka noqdo eedda markhaati marka loo fiiriyo kaalinta uu ku lahaa kiiska, arrinta ay isku diidan-yihiin laba dhinac ayaa ah inay wax ka badasho xeer ilaalinta qodobka dacwada ah oo ay ka dhigeen ku tala gal halka qareenadu ay ku doodayeen in kiiska aanu aheyn ku tala gal balse uu ahaa mid ku dhacay qalad.

Gudoomiyaha maxkamadda darajada 1-aad ee Ciidamada Qalabka Sida Gaashaanle Sare Xasan Cali Nuur shuute ayaa ku dhawaaqay ugu dambeyn la soo gaba-gabeeyay kiiskan, garsoorkana aya ka soo saari doonaan xukunka kama dambeysta ah sida ugu dhaqsiyaha badan.

You might also like More from author

Leave A Reply

Your email address will not be published.